E Pan Ek Gamar Sakhio Lyrics એ પણ એક ગમાર સાખીઓ

એ પણ એક ગમાર સાખીઓ ગુજરાતીમાં

કલાકાર - પ્રવીણ સુરદાસ

શબ્દો - સતારશાહ અને અન્ય

તાલ -  ભજન ની શરૂઆત પહેલા ગવાય

ભાઈબંધ ની ભૂલનો , ભાઈ ધોખો કરે ધરાર ;

પછી કાયમ જ્યાં ત્યાં ગાયા કરે , એ પણ એક ગમાર .

મનુષ્ય દેહ મળ્યા પછી , જે ભજે નહિ કિરતાર ;

પછી જે અફીણ થી પ્રીતિ કરે , એ પણ એક ગમાર .

ગાય ભેશને ભાવથી , જો આપે નહિ આહાર ;

પછી દુધ માટે દોટું દિયે , એ પણ એક ગમાર .

દર્દી ની દરકાર નહિ , જો પૈસા માં હોય પ્યાર ;

એવો વૈદ હોય લોભિયો , એ પણ એક ગમાર .

ખુશામતી અને લાલચી , પૈસા થી હોય પ્યાર ;

એવો કવિજન હોય કુળો તો , એ પણ એક ગમાર .

ન્યાય ના આશને બેઠા પછી , જો કરે નહિ કોઈ ન્યાય ;

પક્ષ કરે જો કોઈનો , એ પણ એક ગમાર .

નિત જપુ સતનામ , સુંદિર શ્યામ ને ભૂલું નહિ ;

નિંદા થકી ગભરાઉં ના , સ્તુતિ થતાં ભૂલું નહિ .

પ્રેમ મારો જે હતો પહેલા , તે આજે પણ રહ્યો ;

મિત્ર ભાવે હું બંધાયો , ખોલો પણ ખુલું નહિ .

થાયે તુ નારાજ , હું રાજી રહું તુજથી સદા ;

પણ તું મને ભૂલે ભલે , હું તને ભુલું નહિ .

છે ગુરુ આધાર મારો, હું તો ગુરુનો દાસ છું ;

સદગુરુ પાલવળે જુલું , અન્યથા જૂલું નહિ .

પ્રેમમય નિશદિન રહું , સતાર શાહ સત્સંગ માં ;

માર્ગ જે મુજને મળ્યો , એ માર્ગ થી ડુલું નહિ .

www.Gujjulyricsin.Com

ઉપર તમે જે શબ્દો વાંચ્યા તેને ફોટા તરીકે મોબાઈલ માં સેવ કરવા માટે નીચેના ફોટા પર ક્લિક કરી ને સેવ ઇમેજ કરો.

શેર કરો :