RAMDEV PIR NI SAKHIO રામદેવ પીર ની સાખીઓ

રામદેવ પીર ની સાખીઓ

કલાકાર - સુરેશ રાવલ

શબ્દો - સાખી રામદેવ પીર

તાલ - ભજન ની શરૂઆત પહેલા ગવાય

કળશ માં કળા બિરાજે

અને નેજામાં વર્ષે નુર

દેવળ માં પીર પોતે બિરાજે

પીર મારો બેઠા છે જ્યોત સ્વરૂપ

ધજા દીઠે ધણી સાંભળે

એ દેવળ દીઠે દુઃખ જાય

દર્શન કરતા રામો પીરના

સઘળા પ્રાયશ્ચિત થાય

કોટે મોર ટહુકીયા અને

વાદળ ચમકી વીજ

મારા રૂદાને રાણો ભેટિયા

જોને આવી અષાઢી બીજ

રામા કહુકે રામદેવ

હીરા કહુકે નાથ

નર ને રણુજા વાળો ભેટિયા

તો નર થઈ ગયા ન્યાલ

હરજી હાલો દેવળે

પૂજવા રામા પીર

કોડીયા ના કોડ મટાડિયા

બાપ સાજા કરે શરીર

ભમ્મર ભાલો હાથમાં

ધરી ધરી ને હાથમાં તીર

એ એવા લીલુડે અસવાર થઈ

એ તમે આવજો રામા પીર

સંધ્યા સમયે સુમિરન દીધું

થયો ઝાલર નો ઝણકાર

ઉતરે અલખ ધણીની આરતી

જગમાં વર્તાયો જય જયકાર

રામા તમારા દેવળે

બળે ગૂગળ ના ધૂપ

નરનારી તમને નમનું કરે

તમને નમે મોટા મોટા ભૂપ

રામદેવ રક્ષા કરો

અને હરો સંકટ સંતાપ

સુખ કરતા સમરથ ધમે

જપુ નિરંતર જાપ

પ્રથમ પહેલા કોને સમરિયે

કોના લઈએ નામ

માત પિતા ગુરુ આપણા

લીજીયે અલખ પુરુષ ના નામ

www.Gujjulyricsin.com

ઉપર તમે જે શબ્દો વાંચ્યા તેને ફોટા તરીકે મોબાઈલ માં સેવ કરવા માટે નીચેના ફોટા પર ક્લિક કરી ને સેવ ઇમેજ કરો.

ઉપર વાચેલા શબ્દો સાંભળવા માટે નીચે ક્લિક કરો.

શેર કરો :