Gagan Gadh Ramvane Halo Bhajan Lyrics ગગન ગઢ રમવાને હાલો ગુજરાતીમાં

ગગન ગઢ રમવાને હાલો

કલાકાર - નિરંજન પંડ્યા

શબ્દો - દાસ સવો

તાલ - ઠેકા , ચલતી

ગગન ગઢ રમવાને હાલો, નીરાસી પદમા સદા માલો

પડવે ભાળ પડી તારી,મધ્ય નીરખ્યા મોરારી

વાલમ પર જાવું હુ વારી

ગગન ગઢ...

બીજે બોલે બહુનામી ઘટોઘટ વ્યાપી રહ્યા સ્વામી

જુગતીથી તમે જોઈલો અંતરજામી

ગગન ગઢ...

ત્રિજે તુરાઈ વાજાં વાગે,સુરતા મારી સનસુખ રહી જાગે

માહ સુને મોરલીયું વાગે

ગગન ગઢ...

ચોથે ચંદ્ર ભાણ વાળી જોવે કોઈ આપાપણાને ટાળી

ત્રીવેણી ઉપર નુર લ્યો નીહાળી

ગગન ગઢ...

પાંચમ પવન થંભ ઠેરી, લાગી મુને પ્રેમ તણી લેરી

સુરતા મારી શબ્દુંમા ઘેરી

ગગન ગઢ...

છઠે જોવો સનમુખ દ્વારો ત્રીવેણી ઉપર નાયાનો આરો

ત્યા તો સદા વરસે અમર ધારો

ગગન ગઢ...

સાતમે સમરણ જડયું સાચું આતો કોઈ વીરલા જાણે વાતું

જડયું હવે આદુનું ખાતુ

ગગન ગઢ...

આઠમે અકળ કળા એની વાતું હવે ક્યાં જઈ કરુ વ્રેહની

રહું હું તો શબ્દ નીસીમાં ધેની

ગગન ગઢ...

નુમે મારે નીરભે થયો નાતો છોડાવ્યો જમપુરીથી જાતો

સતગુરુએ શબ્દ દીધો સાચો

ગગન ગઢ...

દશમે જડી દોર તણી ટેકી મધ્યમાં મળ્યા અલખ એકાએકી

સુરતા મારી દંગ પામી દેખી

ગગન ગઢ...

એકાદશી અવીધટ ધાટ એવો શબ્દ લઈને સુરતાને સેવો

સદાય તમે સોહ પુરુષ સેવો

ગગન ગઢ...

દવાદસી દૂર નથી વાલો સમજ વીના બારે ફરતો ઠાલો

સુખમણ સાથે પી લ્યો અમર પ્યાલો

ગગન ગઢ...

તેરસે વાળી ઉપર ઘારા જપુ નીજનામ તણી માળા

પ્રાગટ્યા રવી ઉલટાયા અજવાળું

ગગન ગઢ...

ચૌદસે કહ્યુ ચીત કરે નહી મારુ થયું ઓચીંતુ અજવાળું

સતગુરુએ તોડયું વજર તાળું

ગગન ગઢ...

પુનમે દેખી પુરણ પદ પામી મળ્યા જયારે ફુલગરજી સ્વામી

રહે છે સવો ચરણમાં શીસ નામી

ગગન ગઢ...

www.Gujjulyricsin.Com

ઉપર તમે જે શબ્દો વાંચ્યા તેને ફોટા તરીકે મોબાઈલ માં સેવ કરવા માટે નીચેના ફોટા પર ક્લિક કરી ને સેવ ઇમેજ કરો.

શેર કરો :